إصحى للعريان لما يحب....!

..كنت فاكر إني هفرح
لما تيجي وتقوليلي
إن قلبك إتفتح
لفلان وبقاله مطرح
..كنت فاكر إنه عادي
يدق قلبي اللي كان فاضي
بس شئ خوفني هو
إن صورتك فيه بتوضح
..خُفت أكتر لما فجأة
لقيتني حزين حاسس بربكة
وخوف لاجرح قديم نسيته
من جديد ألاقيه بيفتح

..وأتاريني كنت بكدب...لما كنت زمان بكتب
..في كل جواب قبل نهايته...أختي العزيزة أخوكي أحمد

..ليه يا قلبي جاي تقولي
بعد إيه مبقاش فاضلي
أي فرصة أقول فيها
إني عايش عمري ليها
..خلاص نصيبها في حد غيرنا
سواء رفضنا أو قبلنا
حاجة واحدة أقدر أقولها
إني بالخير بأدعي ليها

..وأتاريني لسه هكدب...لما تاني برضه هكتب
في الجواب المرة دية ..أختي العزيزة أخوكي أحمد
...تمت