((المواطن مصري ))
والله انا كنت طيب فى حالى وكافى شري خير
مبقولش غير حاضر وطيب وانا مالي وللقمة عيشي اسير
في الاتوبيس متاخر وطابوري في الاخر وبقول في الدنيا ياما غيري كتير
في المترو أنا واقف وبرة المترو حالي واقف وبقول ما جراش حاجة وحصل خير
وأهي ماشية حياتي يوم تحت ويوم تحت أوي
يوم مع الضعيف موالس ويوم مستقوي علينا القوي
وبقول خليني راضي وخلي يومي يعدي
للريح رقبتي بأطاطي وللموجة العالية بأهدي
وكان جزاتي قابلت جلاد مكتوب على صدره حارس
خادني ع البندر ولفحني كام كف شداد وفي ضهري بزانة وراح غارز
وقالي انا فيك شاكك وهعملك محضر تحري
وغمز للعسكري على قفايا وراح ساكك وقالي طلع اللي معاك ياض للباشا وري
وكانت شنطة فيها كراس ..وكتاب تاريخ..وقلم حبر لبيسته متنية
راح دالق الشنطة وقلب في اللي فيها عجبه القلم راح واخده هدية
وقالي معاك بطاقة ..قولتله حاضرة وكرنية النقابة وبطاقة الجمعية
قالي نقابة ...؟ قولتله ايوة اصلي انا مدرس في الاخلاق الحميدة الثانوية
ماكانش مصدق..كان فاكرني بأدي دروس ومعايا فلوس لابس بدلة وراكب عربية
بس انا فهمته إني ممتنع عن الدروس حفاظا على حياتي المهنية
قالي إنت حماار...أو عندك ورث مغطي بيه ع المهية
أنا إستغربت...أصلي كلامه فكرني بكلام الولية
مراتي...دايما تقولي..."مع إنك مدرس إلا إني في حياتي مش متهنية"
قال إيه عايزة ديكودر ووشنج ماشين ودواليب ألوميتال بدل النملية
ما أطولش عليكوا..الباشا الظابط كتب ورقة حطها في دوسيه وقالي إستنى شوية
فضلت مستني ...الساعة عدت 12 وشوية
سألته ...هو لسة يا باشا كتير أنا عندي الصبح الحصة الأولانية
سألني ..إنت إسمك مسعد ولا مسعود..(صححتله) مسعد المصري هنية
قالي دوسيهك بيقول إنك مطلوب في قضية
سألته هو أنا ليا عندكم دوسيه...قالي ومكتوب فيه أكتر من قضية
لسه هتكلم شخط في العسكري يرميني في الزنزانة لحد الصبحية
ولقيتني في الزنزانة مرمي على كتف بندق النشال
وعلى كتفي راس واحد مسطول إسمه عطية
ومن أخر الزنزانة سمعت صوت هادي وكله حنية
بيقولي قوم يا إبني تعالى أقعد في اليمة دية
ولقيته راجل طيب شيخ ودقنه ع الجلابية مدارية
قالي يا إبني شكلك مهضوم حقك ومظلوم وحالتك باين عليها مضنية
قلتله صدقت يا شيخنا والله حاسس باللي بيا
قاللي يا إبني إنت ليك حق واللي إتعمل فيك ده منكر ومش شوية
ولازم تغير المنكر بإيديك وإلا عقيدتك هتكون ضعيفة ومش قوية
سألته إزاي يا شيخنا قالي يا إبني الجماعات مالية الدنيا
إتأكدت ساعتها إنه شيخ من شيوخ الجماعة إياها دية
وسألته يعني ياشيخنا همسك للناس عصاية ولا هدور الضرب بالبندقية
قالي يا أبني ده جهاد في سبيل الله علشان كلمة الحق ما تعلى وتبقى قوية
سيبته يكمل رغي ورجعت للبندق أندب على حالي واللي جرى ليا
ما أنا ما كنتش ناقص كمان أبو دقن عشان ألبس بحق وحقيقي قضية
طلع النهار ولقيت أبو وش عكر بينده عليا "مسعد المصري هنية"
عكشني من قفايا ودخلني زنزانة على هيئة عربية
ونزلونا لما وصلنا ورصونا ولا أجدع طابور جمعية
والظاهر والله أعلم إن الطوابير في بلدنا بقت غية
فضلت مستني دوري لحد لما دخلوني ع الباشا الوكيل وكانت باينة عليه التربية
سألني بإحترام أسألته المباشرة وأنا أجوبتي كانت منطقية
أخلى سبيلي وقالي بلاش تكرر الزيارة دية
قولتله ياريت سيادتك كان بإيدي ده أنا جيت هنا غصبن عن عينيا
قالي ما أنا برضه المحضر حسسني بكدة وحقك لازم تاخده بالطرق القانونية
قولتله سيادتك المحاكم مافيش أطول من حبالها وربنا يخليك للي زيي وليا
عفى الله عن ما سلف.... المهم إني خرجت على رجليا..............................تمت
والله انا كنت طيب فى حالى وكافى شري خير
مبقولش غير حاضر وطيب وانا مالي وللقمة عيشي اسير
في الاتوبيس متاخر وطابوري في الاخر وبقول في الدنيا ياما غيري كتير
في المترو أنا واقف وبرة المترو حالي واقف وبقول ما جراش حاجة وحصل خير
وأهي ماشية حياتي يوم تحت ويوم تحت أوي
يوم مع الضعيف موالس ويوم مستقوي علينا القوي
وبقول خليني راضي وخلي يومي يعدي
للريح رقبتي بأطاطي وللموجة العالية بأهدي
وكان جزاتي قابلت جلاد مكتوب على صدره حارس
خادني ع البندر ولفحني كام كف شداد وفي ضهري بزانة وراح غارز
وقالي انا فيك شاكك وهعملك محضر تحري
وغمز للعسكري على قفايا وراح ساكك وقالي طلع اللي معاك ياض للباشا وري
وكانت شنطة فيها كراس ..وكتاب تاريخ..وقلم حبر لبيسته متنية
راح دالق الشنطة وقلب في اللي فيها عجبه القلم راح واخده هدية
وقالي معاك بطاقة ..قولتله حاضرة وكرنية النقابة وبطاقة الجمعية
قالي نقابة ...؟ قولتله ايوة اصلي انا مدرس في الاخلاق الحميدة الثانوية
ماكانش مصدق..كان فاكرني بأدي دروس ومعايا فلوس لابس بدلة وراكب عربية
بس انا فهمته إني ممتنع عن الدروس حفاظا على حياتي المهنية
قالي إنت حماار...أو عندك ورث مغطي بيه ع المهية
أنا إستغربت...أصلي كلامه فكرني بكلام الولية
مراتي...دايما تقولي..."مع إنك مدرس إلا إني في حياتي مش متهنية"
قال إيه عايزة ديكودر ووشنج ماشين ودواليب ألوميتال بدل النملية
ما أطولش عليكوا..الباشا الظابط كتب ورقة حطها في دوسيه وقالي إستنى شوية
فضلت مستني ...الساعة عدت 12 وشوية
سألته ...هو لسة يا باشا كتير أنا عندي الصبح الحصة الأولانية
سألني ..إنت إسمك مسعد ولا مسعود..(صححتله) مسعد المصري هنية
قالي دوسيهك بيقول إنك مطلوب في قضية
سألته هو أنا ليا عندكم دوسيه...قالي ومكتوب فيه أكتر من قضية
لسه هتكلم شخط في العسكري يرميني في الزنزانة لحد الصبحية
ولقيتني في الزنزانة مرمي على كتف بندق النشال
وعلى كتفي راس واحد مسطول إسمه عطية
ومن أخر الزنزانة سمعت صوت هادي وكله حنية
بيقولي قوم يا إبني تعالى أقعد في اليمة دية
ولقيته راجل طيب شيخ ودقنه ع الجلابية مدارية
قالي يا إبني شكلك مهضوم حقك ومظلوم وحالتك باين عليها مضنية
قلتله صدقت يا شيخنا والله حاسس باللي بيا
قاللي يا إبني إنت ليك حق واللي إتعمل فيك ده منكر ومش شوية
ولازم تغير المنكر بإيديك وإلا عقيدتك هتكون ضعيفة ومش قوية
سألته إزاي يا شيخنا قالي يا إبني الجماعات مالية الدنيا
إتأكدت ساعتها إنه شيخ من شيوخ الجماعة إياها دية
وسألته يعني ياشيخنا همسك للناس عصاية ولا هدور الضرب بالبندقية
قالي يا أبني ده جهاد في سبيل الله علشان كلمة الحق ما تعلى وتبقى قوية
سيبته يكمل رغي ورجعت للبندق أندب على حالي واللي جرى ليا
ما أنا ما كنتش ناقص كمان أبو دقن عشان ألبس بحق وحقيقي قضية
طلع النهار ولقيت أبو وش عكر بينده عليا "مسعد المصري هنية"
عكشني من قفايا ودخلني زنزانة على هيئة عربية
ونزلونا لما وصلنا ورصونا ولا أجدع طابور جمعية
والظاهر والله أعلم إن الطوابير في بلدنا بقت غية
فضلت مستني دوري لحد لما دخلوني ع الباشا الوكيل وكانت باينة عليه التربية
سألني بإحترام أسألته المباشرة وأنا أجوبتي كانت منطقية
أخلى سبيلي وقالي بلاش تكرر الزيارة دية
قولتله ياريت سيادتك كان بإيدي ده أنا جيت هنا غصبن عن عينيا
قالي ما أنا برضه المحضر حسسني بكدة وحقك لازم تاخده بالطرق القانونية
قولتله سيادتك المحاكم مافيش أطول من حبالها وربنا يخليك للي زيي وليا
عفى الله عن ما سلف.... المهم إني خرجت على رجليا..............................تمت
هو انت كل ما تكتبلنا حاجة تسيبنا في نصها وتقولنا يتبع
ردحذفبس بصراحة هي شكلها كدة حاجة جامدة
انا سارة النادي
ردحذفانا رايي يروح ينتحر احسن ...ايه الراجل المحترم ده فى بلد مبقتش محترمة !!!!!
ردحذفريهام